BECCA Cosmetics sérfræðingar í ljóma!

 

Hvað er fullkomnun? Það er þitt að skilgreina.

 

Hvað sem það er sem þú vilt ná fram, þá er fullkomin húð mikilvægasti upphafspunkturinn. Þar kemur BECCA til sögunnar. BECCA hjálpar til við að draga fram það besta í þér. Í gegnum hágæða formúlur og ráð frá hinum bestu sérfræðingum í heiminum hjálpar BECCA þér að ná fram náttúrulegri og fallegri húð.

 

BECCA er með vandað val af snyrtivörum sem kalla fram þína náttúrulega fegurð og eiginleika í staðin fyrir að fela þá. Með því að aðlagast þínum húðtón þá gefa BECCA farðarnir þér fullkomna áferð á meðan þú leggur áherslu á þína uppáhalds eiginleika.

Léttleiki, lúxus og háþróaðar formúlur er það sem BECCA stendur fyrir og gerir förðunarrútínuna þína skemmtilegri og ánægjulegri, ásamt því að haldast á allan daginn.

 

BECCA var stofnað árið 2001 af Rebeccu Morrice-Willams og hefur merkið rætur sínar að rekja til Ástralíu. BECCA er eitt fremsta snyrtivörumerkið þegar kemur að ljómapúðrum og er fyrirtækið í fyrsta sæti yfir best seldu ljómavörurnar með Shimmering Skin Perfector Pressed ljómapúðrinu . BECCA er þekkt fyrir fjölbreytileika og þá sérstaklega þegar kemur að förðum þar sem litavalið þeirra spannar alla flóruna, allt frá ljósustu tónum yfir í hina dekkstu.

Vatn er megin hráefni í öllum vörum BECCA og það sem gerir farðana frá BECCA svona ótrúlega góða er háa vatnshlutfallið sem er í þeim. Ásetning farðana verður mun auðveldari og finnur þú það best í Aqua Luminous Perfection farðanum en hann er rosalega léttur en á sama tíma með góða þekju. Ultimate Covarage Complexion Créme farðinn er með aðeins þyngri formúlu en gefur manni þessa sömu léttu tilfinningu og Aqua Luminous farðinn.

Merkið gerði allt vitlaust árið 2015, í samstarfi við Youtube Make-Up stjörnuna Jaclyn Hill, þegar Champagne Pop ljómapúðrið kom á markað en engin vara hafði á þeim tíma búið til jafn mikla eftirspurn á markaðnum þar sem 25 þúsund einingar seldust á aðeins 20 mínútum. Í kjölfarið varð BECCA þekkt fyrir að vera “The Best in Glow”.

 

BECCA hamrar á því að fullkomnun er ekki eitthvað eitt form, heldur er það þitt að skilgreina hvað fullkomnun er. Það sem BECCA vill gera er að hjálpa þér að ná fram því besta í þér. Kalla fram þína góðu eiginleika og það með ljóma.